Celanova en festas-descargas

A firma deste acordo permitirá que, un ano máis, a vida cultural de Celanova enriquézase coa variada oferta cultural da entidade financeira.

Celanova, 15 de xullo de 2008. Caixanova e o Concello de Celanova suscribiron un convenio de colaboración en materia cultural que permitirá ós celanovenses gozar dunha programación de calidade, na que destacan as actuacións musicais dos Goldeen Section, e do grupo galego Sondeseu, ademais a compañía Clownic porá en escena a representación teatral “SIT” e unha vez máis chega á vila de San Rosendo, o ciclo de Cine de Verán Caixanova, que nesta ocasión fará a delicia dos máis pequenos coa película de animación "Bee Movie" e "The Holiday" para un público máis xeral.

No afán de achegar a súa programación cultural ao maior número de público posible, Caixanova estableceu a firma de diversos convenios de colaboración en materia cultural con distintos concellos da provincia de Ourense. No caso de Celanova, o compromiso da entidade financeira coa vila quedou patente no convenio asinado no concello celanovés. O acto estivo protagonizado polo alcalde, Antonio Mouriño Villar e o director de Relacións Institucionais de Caixanova en Ourense, Amadeo Rodríguez Piñeiro, que estivo acompañado polo director comarcal da entidade, Manuel Lorenzo Fernández.